—
*@ الجزيرة متميزة ومتفردة في كل شيء*
الجزيرة ما ولاية ساي .
*الجزيرة مدرسة .* مدرسة الإنتاج. مدرسة التسامح. مدرسة الرجال.
منها طلع العلماء والأطباء والقادة .
ومنها .. طلع *المهندس المجاهد* عشان يقود معركة القمح .
الجزيرة متفردة لأنها لما تحارب .. تحارب ببندقية .
ولما تنتج .. تنتج بعرق .
ولما تختار قائد .. تختار زول جاي من الميدان .
*البشريات بدأت:*
*1. الموية والآليات*
تشغيل *طلمبات الحرقة ونور الدين* إكتمل
*40 تركتوراً* للجمعيات الزراعية واقفة في الميدان
*600 مليون جنيه* تمويل المرحلة الأولى عبر البنك الزراعي نزل
*2. الصوت رجع بعد 8 سنوات*
تكوين *مجلس إدارة تنظيم مهن الإنتاج الزراعي والحيواني*
1982 جمعية قاعدية + 128 تنظيم نوعي = صوت المزارع تاني مسموع
*والأهم والأفخر: القيادة من قلب المعركة*
*الجزيرة قدمت مهندس خبير .. وقائد عمالي صارم .. ومجاهد*
*تشهد له ساحات الوغى ومعارك تحرير جبل موية وسنجة والجزيرة*
*رئيساً للمزارعين والمنتجين*
ده ما تعيين مكتب .
ده تكليف ميدان.
زول شال السلاح مع الرجال في جبل موية .
وزول حرر معاهم سنجة .
وزول كان في الصفوف الأولى لتحرير الجزيرة .
*الرسالة واضحة:*
الليلة القاعد على رأس المزارعين ما موظف .
ده رفيق درب . ده زول عارف قيمة الأرض لأنو دافع عنها بالدم .
ده زول صارم في الحق .. خبير في الهندسة .. ومجاهد في الميدان .
يعني تاني مافي لعب . تاني مافي تسويف.
*القرار قرار إنتاج .. والتنفيذ تنفيذ رجال .*
—
*كلمة المزارعين:*
*أمس قاتلنا معاك في الخندق يا باشمهندس .*
*واليوم بنزرع معاك في الحواشة .*
*نفس العزيمة .. نفس الصمود .. نفس الهدف: السودان .*
*@ الجزيرة قاطرة الإقتصاد الوطني*
*@ الجزيرة نموذج وحدة الصف .. بعيد عن الجهوية والحزبية*
*@ الجزيرة رمز عزة السودان*
*@ مزارعو الجزيرة قدموا الرجال في الحرب .. واليوم يشمرون لمعركة الإنتاج*
*الخلاصة:*
من جبل موية .. إلى سنجة .. إلى الجزيرة .. إلى دار المزارعين بمدني .
نفس الرجال. نفس القضية .
*مرحلة تحرير الأرض إنتهت .. وبدأت مرحلة تحرير الإنتاج .*
*أبشر يا مزارع .. قيادتك منك وفيك .. ومجاهدة مثلك*
*الجزيرة عادت .. وبإذن الله حتشيل السودان كلو* 🇸🇩